Një bombol gazi ka shpërthyer në një banesë në fshatin Rraboshte të Lezhës.
Për pasojë, ka pësuar lëndime kryefamiljari, Gjergj Pali, i cili u transportua në Spitalin e Traumës, për asistencë të specializuar mjekësore, dhe aktualisht është jashtë rrezikut për jetën.
Bombola shpërtheu në katin e parë të një banese dykatëshe dhe ka shkaktuar edhe dëme të konsiderueshme materiale.
Siç shikohet në pamje, dyert dhe dritaret janë dëmtuar nga shpërthimi si edhe orienditë.
“Rreth orës 13:00, në banesën e shtetasit Gj. P., 62 vjeç, në fshatin Rraboshtë, dyshohet se për shkak të rrjedhjes së gazit, ka shpërthyer bombola që përdorej për gatim. Si pasojë është dëmtuar 62-vjeçari, i cili u transportua në Spitalin e Traumës, për asistencë të specializuar mjekësore, dhe aktualisht është jashtë rrezikut për jetën.
Grupi hetimor ndodhet në vendngjarje ku vazhdon veprimet hetimore për sqarimin e plotë të rrethanave të rastit.”, thuhej në njoftimin e policisë.